Міжнародны дзень роднай мовы
Невычэрпнае багацце, якое суправаджае нас праз усё жыццё
Нашая казка, легенда сiвая,
Велiчы сведка i мужных баёў,
Родная мова, пакуль ты жывая,
Будзе жыць й люд беларускiх краёў.
Наталля Арсеннева, "Роднай мове"
З мэтай рэалізацыі Плана мерапрыемстваў Міністэрства адукацыі Рэспублікі Беларусь па папулярызацыі і пашырэнні сферы выкарыстання беларускай мовы ў жыцці грамадства ў дзяржаўнай установе адукацыі “Казлоўшчынская сярэдняя школа” 21 лютага адсвяткавалі Міжнародны дзень роднай мовы.
Напярэдадні свята ў файе школы была наладжана выстава, прысвечаная творчасці пісьменнікаў- юбіляраў Р.Барадуліна і І.Навуменкі.
А на выставе “У свеце любімых твораў беларускіх пісьменнікаў” былі размешчаны дзіцячыя малюнкі па творах беларускіх пісьменнікаў.
21 лютага з самай раніцы ва ўстанове адукацыі навучэнцаў і настаўнікаў сустракалі мелодыі беларускіх народных песень. У гэты ж дзень прайшла акцыя “Гавары са мной па-беларуску”.
Конкурс чытальнікаў “Мова. Маці. Радзіма” сабраў навучэнцаў першай ступені. Вучні чыталі творы беларускіх пісьменнікаў і нават уласныя вершы.
Навучэнцы другой і трэцяй ступеняў прынялі актыўны ўдзел у тэатралізаваных пастаноўках, дзе паказалі сваё акцёрскае майстэрства.
Асабліва запомнілася ўсім напісанне Гродзенскага абласнога дыктанта “Праўда- памяць”, прысвечанага 75- годдзю Перамогі ў Вялікай Айчыннай вайне. На напісанне гэтай работы запрасілі педагагічных работнікаў, бацькоў і дарослае насельніцтва. Пры самаправерцы па ўзоры ўдзельнікі зразумелі, што хваляванне было дарэмным. Памылак было няшмат.
Навучэнцы 5-9 класаў стварылі флаеры, працягнуўшы словы П.Броўкі “У любімай мове роднай, наскай, Ах, якія словы, калі ласка…” і прынялі ўдзел у флаер- фэсце.
Усе мерапрыемствы былі накіраваны на выхаванне ў навучэнцаў нацыянальнай самасвядомасці, любові да роднай мовы, фарміравання матывацыі да ўдзелу ў актыўнай творчай дзейнасці і падтрымцы творчых ініцыятыў.
Святкаванне Міжнароднага Дня беларускай мовы напомніла пра тое, што мы – беларусы, і нашай роднай мовай з'яўляецца мова менавіта беларуская. Гэта тое невычэрпнае багацце, якое перадаецца нам з пакалення ў пакаленне і суправаджае нас усё жыццё.
